ᓂᐅᕐᕈᑎᖃᕐᓂᕐᒧᑦ ᐊᑐᐃᓐᓇᐃᑦ

ᓄᓇᕗᑦ ᐳᓚᕋᖅᑐᓕᕆᓂᒃᑯᑦ ᐅᖃᓕᒫᒐᕐᕕᖃᖅᑐᑦ ᐃᑲᔫᑎᐅᔪᓐᓇᖅᑐᑦ ᐃᓕᒃᑲᓐᓂᕈᒪᔪᓄᑦ ᖃᐅᔨᒪᓂᖅᑖᕈᒪᔪᓄᑦ ᐱᓕᒻᒪᓴᕐᓗᑎᓪᓗ ᐳᓚᕋᖅᑐᓕᕆᓂᕐᒥᑦ. ᕿᓂᕋᓗᐊᖅᑲᑕ ᐱᔭᓪᓕᐊᓂᕐᒧᑦ ᓄᑖᕐᓂᑦ ᐅᕝᕙᓘᓐᓃᑦ ᐃᓕᒍᒪᑉᐸᑕ ᖃᓄᖅ ᐊᐅᓪᓚᖃᑦᑕᑎᑦᑎᓂᕐᒥᑦ ᐃᓚᒋᔭᐅᔪᓐᓇᕐᒪᖔᑕ, ᑐᑭᓯᒋᐊᕈᑎᓄᑦ ᑕᐃᒪᐃᑦᑐᓂᑦ ᓇᒻᒥᓂᖃᖅᑎᐅᔪᓂᑦ ᑲᔪᓯᑎᑦᑎᒍᓐᓇᕐᓂᕐᒧᑦ ᐱᑕᖃᑦᑎᐊᖅᑐᑦ.

ᐱᖃᓯᐅᔾᔨᓯᒪᒻᒥᔪᒍᑦ ᖃᐅᔨᒋᐊᖅᑕᐅᔪᓐᓇᖅᑐᑦ ᐃᓚᖏᑦ ᐊᑑᑎᑦᑎᐊᖅᑐᑦ ᑕᒪᒃᑯᓂᖓ ᐱᓕᕆᖃᑎᖃᕐᓂᐊᕐᓗᓂ.

ᓇᒻᒥᓂᖃᖅᑏᑦ, ᓂᐅᕐᕈᑎᖃᕐᓂᖅ ᑕᐅᖅᓰᓂᕐᒧᑦ ᐱᓕᕆᐊᑦ

ᐃᓕᓐᓂᐊᑎᑦᑎᓂᕐᒧᑦ ᐅᖃᓕᒫᒐᑦ ᐃᓕᓐᓂᐊᑎᑦᑎᒍᑎᐅᒻᒥᔪᑦ ᐃᑲᔫᑎᖃᖅᑐᑦ ᓯᓚᕐᔪᐊᓕᒫᒥ ᐳᓚᕋᖅᑐᓕᕆᓂᕐᒥᑦ. ᓇᒻᒥᓂᖃᖅᑎᐅᓯᒪᒐᓗᐊᕈᕕᑦ ᖁᓕᑦ ᐊᕐᕌᒍᐃᑦ ᐅᖓᑖᓄᑦ ᐃᓕᓐᓂᐊᖅᓯᒪᓗᑎᑦ ᐳᓚᕋᖅᑐᓕᕆᓂᕐᒥᑦ, ᐅᕝᕙᓘᓐᓃᑦ ᐱᒋᐊᓕᑕᐃᓐᓇᕈᕕᑦ ᐳᓚᕋᖅᑐᓕᕆᓂᕐᒥᑦ, ᑖᒃᑯᐊ ᐃᓕᓂᐊᑎᑦᑎᒍᑕᐅᔪᓐᓇᖅᑐᑦ ᐃᑲᔫᑎᐅᔪᑦ ᒪᓂᒪᔾᔪᑎᐅᔪᑦ ᐃᑲᔪᖅᑐᐃᔾᔪᑎᐅᓪᓗᑎᑦ ᐳᓚᕋᖅᑐᓕᕆᓂᕐᒧᑦ ᐱᕙᓪᓕᐊᓇᓱᓐᓂᐊᖅᑐᓄᑦ.


ᐱᕙᓪᓕᐊᓂᕐᒧᑦ ᑲᒪᒋᔭᔅᓴᐃᑦ

ᐱᓕᕆᐊᔅᓴᐃᑦ ᐃᓕᓐᐊᓂᕈᑏᑦ ᓴᖅᑭᖅᑕᐅᓯᒪᔪᑦ ᐃᓱᒪᒃᑲᓐᓂᖁᓪᓗᒋᑦ ᑭᒃᑯᑐᐃᓐᓇᐃᑦ ᐳᓚᕋᖅᑐᓕᕆᓂᕐᒥᑦ ᐅᕝᕙᓘᓐᓃᑦ ᐱᔨᑦᑎᓂᕐᒥᑦ ᑮᓇᐅᔭᓕᐅᕋᓱᑦᑎᓄᑦ, ᒪᑭᒪᒐᓱᒍᓐᓇᖅᑐᓂᓪᓘᓐᓃᑦ.

ᐃᓕᓐᓂᐊᕐᓗᑎᑦ ᐃᒫᒃ:

  • ᐱᕙᓪᓕᐊᓗᑎᑦ, ᐊᑭᖏᓐᓂ, ᓂᐅᕐᕈᑎᕐᓂᕐᒥᑦ ᓂᐅᕕᐊᔅᓴᖃᕐᓂᒥᓪᓘᓐᓃᑦ ᓄᑖᓂᑦ ᓱᓇᑐᐃᓐᓇᕐᓂᑦ
  • ᐊᓯᖏᓐᓂ ᐱᓕᕆᖃᑎᖃᕐᓗᑎᑦ ᐳᓚᖅᑐᓕᕆᓂᕐᒥᑦ ᐃᑲᔪᕐᓂᕐᒥᑦ ᑐᑭᓯᒋᐊᕈᑎᓂᓪᓗ
  • ᐱᓕᕆᖃᑎᕐᓗᑎᑦ ᑲᓇᑕᒥ ᓯᓚᕐᔪᐊᒥᓗ ᐳᓚᕋᖅᑐᓕᕆᓂᕐᒥᑦ ᓄᑖᕐᓂᑦ ᐊᐅᓚᑦᑎᖃᑦᑕᖅᑐᓂᑦ ᐋᖅᑮᓇᓱᓐᓂᒥᓪᓘᓐᓃᑦ (ᐊᔾᔨᒌᓐᖏᑦᑐᓂᑦ ᐊᑐᐃᓐᓇᖅᑕᖃᕐᓗᑎᑦ)
  • ᐊᓯᒃᑲᓐᓂᐊᓗᖏᓐᓂᓪᓗ!

ᓇᒻᒥᓂᖃᕐᓂᕐᒧᑦ ᑭᖑᓂᖓᓂ ᖃᓄᐃᑦᑑᓂᖓᓐᓂ ᐊᑐᐊᒐᐃᑦ

ᓇᒻᒥᓂᖃᕐᓂᐊᕐᓗᓂ ᐱᒋᐊᕐᓗᓂ ᐊᓯᖏᒻᒪᒍ ᑭᓯᐊᓂᓕ ᓇᒻᒥᓂᕐᒥᓂ ᒪᑭᑕᑎᑦᑏᓐᓇᓱᐊᕐᓂᖅ ᑮᓇᐅᔭᓕᐅᕐᓗᓂ ᐊᔾᔨᒋᓐᖏᒻᒥᔭᖓ ᐃᖅᑲᓇᐃᔮᖑᓗᓂᓗ.

ᓇᒻᒥᓂᕐᒧᑦ ᑭᖑᓂᖓᓂ ᐊᑐᐊᒐᔅᓴᐃᑦ ᓴᖅᑭᑦᑕᐅᓯᒪᔪᑦ ᐃᑲᔪᖅᑐᐃᔾᔪᑕᐅᓂᐊᖅᑐᑎᑦ ᐳᓚᕋᖅᑐᓕᕆᕐᓂᕐᒨᖓᔪᓂᑦ ᐱᒋᐊᓚᐅᖅᑎᓪᓗᒍ ᐊᒻᒪᓗ ᑲᔪᓯᓇᓱᓚᐅᖅᑎᓪᓗᒍ ᒪᑯᓂᖓ:

  • ᐳᓚᕋᖅᑐᓕᕆᓂᕐᒥᑦ ᓂᐅᕐᕈᑎᖃᕋᓱᐊᕐᓂᖅ ᓄᓇᕗᒻᒥ
  • ᓚᐃᓴᔅᓰᑦ ᐱᔪᓐᓇᐅᑏᓪᓗ
  • ᓂᐅᕐᕈᑎᖃᕐᓂᖅ ᓂᐅᕕᐊᔅᓴᖃᕐᓂᓗ
  • ᐊᕐᕌᒍᑕᒫᑦ ᓇᒻᒥᓂᖁᑎᖓ ᕿᒥᕐᕈᔭᕆᐊᖃᕐᓂᖓ
  • ᓇᒻᒥᓂᖃᕐᓂᕐᒥᑦ ᐱᕙᓪᓕᐊᓂᖅ
  • ᐊᐅᓚᑦᑎᓂᕐᒧᑦ ᐸᕐᓇᐅᑏᑦ
  • ᑮᓇᐅᔭᓕᕆᓂᕐᒥᑦ ᐊᐅᓚᑦᑎᓂᖅ
  • ᓱᓇᒃᑯᑖᓂᑦ ᐊᑐᐃᓐᓇᖃᕐᓂᖅ

ᓇᒻᒥᓂᖃᕐᓂᕐᒧᑦ ᑭᖑᓕᖓᓂ ᖃᓄᐃᑦᑑᓂᖓᓂ ᑕᕐᕆᔮᔅᓴᑦ

ᓇᒻᒥᓂᖃᖅᑐᑦ ᑭᖑᓂᖓᓂ ᑕᕐᕆᔮᔅᓴᓕᐅᕈᓐᓇᖅᑐᑦ ᑕᑯᔅᓴᐅᑎᑕᐅᔪᓐᓇᕐᓗᑎᑦ ᑕᑯᓐᓇᖅᑕᐅᒍᒪᒐᔪᑦᑐᓂᑦ ᓇᒻᒥᓂᖃᖅᑎᐅᔪᓂᑦ ᑭᖑᓂᖓᓂ ᐊᑐᐊᒐᔅᓴᓂᑦ, ᑖᒃᑯᐊ ᑕᓪᓕᒪᑦ ᑕᕐᕆᔮᔅᓴᑦ ᐃᓗᓕᖃᖅᑐᑦ ᐸᐃᑉᐹᕐᒨᖅᓯᒪᒋᓪᓗᑎᓪᓗ ᐊᑐᐊᒐᔅᓴᐃᑦ, ᐱᓯᐅᔾᔨᓪᓗᑎᑦ ᒪᑯᓂᖓ: ᓚᐃᓴᔅᓯᓂᑦ ᐱᔪᓐᓇᐅᑎᓂᓪᓗ, ᑮᓇᐅᔭᓕᕆᓂᕐᒥᑦ, ᐃᖅᑲᓇᐃᔭᖅᑎᖃᕐᓂᕐᒥᑦ, ᐊᐅᓚᑦᑎᓂᕐᒧᑦ ᐸᕐᓇᐅᑏᑦ ᐊᒻᒪᓗ ᓂᐅᕐᕈᑎᖃᕐᓂᕐᒥᑦ.

ᑕᕐᕆᔭᕈᓐᓇᖅᑕᑎᑦ ᐊᔾᔨᒌᓐᖏᑦᑐ ᐅᕙᓐᖓᑦ YouTube channel!


ᓂᐅᕕᖅᐸᑦᑐᓄᑦ ᐱᔨᑦᑎᕋᕐᓂᕐᒧᑦ ᐱᓕᕆᐊᔅᓴᐃᑦ

ᐃᓕᓐᓂᐊᕐᓗᑎᑦ ᖃᓄ ᐳᓚᕋᖅᑐᓂᑦ ᐱᔨᑦᑎᕈᓐᓇᕐᓂᖏᓐᓂ ᐃᑲᔫᑎᐅᓪᓗᑎᑦ ᐅᖃᓕᒫᒐᑦ. ᖃᐅᔨᒋᐊᕐᓗᑎᑦ ᐳᓚᕋᖅᑐᓕᕆᓂᕐᒥᑦ ᐱᔪᒪᔭᖏᓐᓂ ᖃᓄᐃᑦᑐᓂᓪᓗ ᐊᐅᓪᓚᖅᓯᒪᓂᕆᒐᔭᖅᑕᖏᓐᓂ ᖁᕕᐊᓲᑎᖃᕋᔭᕐᒪᖔᑕ, ᐱᕙᓕᐊᓗᑎᑦ ᐸᕐᓇᐅᑎᓂᑦ ᐃᖅᑲᓇᐃᔭᖅᑎᖁᑎᑦᑎᓪᓗ ᐃᓕᓐᓂᐊᖅᑎᓪᓗᒋᑦ ᑕᒪᒃᑯᓇᓐᖓᑦ.


ᐃᖅᑲᓇᐃᔮᑦ ᐳᓚᕋᖅᑐᓕᕆᓂᕐᒧᑦ

ᐃᓚᒋᔭᐅᔪᒪᒐᔭᖅᑮᑦ ᐳᓚᕋᖅᑐᓕᕆᓂᕐᒥᑦ, ᑭᓯᐊᓂᓕ ᖃᐅᔨᒪᓐᓇᑎᑦ ᖃᓄᖅ ᐱᒋᐊᕈᓐᓇᕋᔭᕐᒪᖔᖅᐱᑦ? ᑖᒃᑯᓂᖓ ᐃᓕᓐᓂᐊᕈᑎᓂᑦ ᓄᓇᒥᑦ ᖃᓄᖅ ᐱᔭᕆᐊᖃᕐᒪᖔᑖ ᓯᓂᑦᑕᕕᒻᒥᓪᓘᓐᓃᑦ, ᐅᓕᒫᒐᑦ ᑕᒪᒃᑯᓇᓐᖓᑦ ᐅᖃᐅᓯᓖᑦ. ᐃᓕᓐᓂᐊᕐᓗᒋᑦ ᐃᓛᒃᑰᖓᔪᑦ ᐳᓚᕋᖅᑐᓕᕆᓂᕐᒨᖓᔪᑦ ᐊᒻᒪᓗ ᐃᖅᑲᓇᐃᔮᕐᓂᑦ ᑕᐃᒫᒃ ᐱᒋᕙᓪᓕᐊᒍᓐᓇᕋᕙᖅᑐᑎᑦ ᓈᒻᒪᑦᑐᒥᑦ ᐃᓕᓐᓄᑦ.

ᑕᒪᓐᓇᑦᑕᐅ ᑐᓯᒍᑎᑦᑎᐊᕙᐅᒻᒥᔪᖅ ᓄᓇᓕᔅᓯᓐᓂ ᑕᑯᔪᒪᒐᔭᖅᑐᓂᑦ ᐃᓚᒋᔭᐅᔪᒪᒐᔭᖅᑐᓂᓪᓗ!


ᐃᖃᓗᒐᓱᓐᓂᕐᒧᑦ ᐊᑐᐊᒐᐃᑦ

ᐱᖃᓯᐅᔾᔨᔪᒪᒐᔭᖅᑭᑦ ᐱᓕᕆᔪᒪᑦᑎᐊᖅᑕᕐᓂᑦ ᐃᖃᓪᓕᐊᕈᔾᔨᓂᕐᒥᑦ ᐊᐅᓚᕈᔾᔨᖃᑦᑕᕐᓗᑎᑦ? ᑕᑯᓐᓇᓚᐅᕐᓗᒋᑦ 35−ᒥᓂᔅᒥᑦ ᑕᑭᓂᓕᒃ ᑕᕐᕆᔮᔅᓴᖅ, ᖃᐅᔨᒪᑦᑎᐊᕐᓂᖅᓴᐅᓕᕋᔭᖅᑐᑎᑦ ᖃᓄᖅ ᑕᒪᓐᓇ ᐱᓕᕆᔨᓪᓚᕆᐅᓗᑎᑦ ᑲᔪᓯᑦᑎᐊᕈᓐᓇᕋᔭᕐᒪᖔᖅᐱᐅᒃ ᐃᖃᓪᓕᐊᕈᔾᔨᖃᑦᑕᕐᓂᖅ ᓄᓇᕗᒻᒥ.

ᖃᐅᔨᒋᐊᕆᑦ ᐅᕙᓐᖓᑦ here!


ᐊᓯᖏᑦ ᑭᓱᑐᐃᓐᓇᐃᑦ ᐊᑐᐊᕋᔅᓴᐃᑦ

ᓄᓇᕗᑦ ᒐᕙᒪᒃᑯᖏᑦ

Tourism Development Handbook
ᐅᓕᒫᒐᐃᑦ ᐋᖅᑭᓱᖅᓯᒪᔪᑦ ᐃᑲᔫᑎᐅᓪᓗᑎᑦ ᐃᓕᔅᓯᓐᓄᑦ ᑎᒍᔭᕐᓂᕐᓗᑎᑦ, ᐸᕐᓇᒍᓐᓇᕐᓗᑎᑦ ᐊᑐᓕᖅᑎᑦᑎᕙᓪᓕᐊᓗᑎᓪᓗ ᐳᓚᕋᖅᑐᓕᕆᓂᕐᒥᑦ ᐱᓕᕆᐊᓐᓂᑦ. ᑐᑭᓯᒋᐊᕈᑏᑦ ᑐᕌᖓᔪᑦ ᓯᕗᓪᓕᖅᐹᒧᑦ ᑕᐃᒪᐃᑦᑐᓕᕆᓂᐅᓴᓪᓗᓂ ᐊᐅᓚᑦᑎᔨᐅᓪᓗᓂ, ᖃᐅᔨᒪᓗᐊᓐᖏᑦᑐᓄᑦ ᑕᐃᒪᐃᑦᑐᓂᑦ ᓄᓇᕗᒻᒥ. ᐋᖅᑭᔅᓱᐃᕙᓪᓕᐊᓗᑎᑦ ᐊᐅᓚᑦᑎᓂᕐᒥᑦ, ᐅᖃᓕᒫᒐᖅ ᐃᑲᔫᑎᕐᒥᔪᖅ ᐊᖏᓪᓕᒋᐊᕆᔪᒪᓐᓂᕈᕕᑦ ᐊᔾᔨᐅᖏᑦᑐᒥᓪᓘᓐᓃᑦ ᓴᖅᑮᑲᓐᓂᕈᓐᓂᕈᕕᑦ ᐳᓚᕋᖅᑐᓕᕆᓂᕐᒥᑦ.

 

Nunavut Marine Tourism Management Plan
ᖃᐃᖁᔭᐃᓂᕈᕕᑦ ᐃᒪᒃᑯ ᐳᓚᕋᖅᑐᓕᕆᓂᕐᒧᑦ, ᑖᓇ ᑎᑎᕋᖅᓯᒪᔪᖅ ᓇᓗᓇᐃᔭᐃᓯᒪᔪᖅ ᓄᓇᕗᑦ ᒐᕙᒪᒃᑯᑦ ᖃᓄᖅ ᐱᕙᓕᐊᒻᒪᖔᑕ ᐃᒪᒃᑯᑦ ᐳᓚᕋᖅᑐᓕᕆᓂᕐᒥᑦ ᖃᓄᖅ ᑎᓴᒪᐅᔪᑦ ᐊᕕᑦᑐᖅᓯᒪᔪᑦ ᑐᕌᒐᕆᓪᓗᓂᒋᑦ ᑲᔪᓯᒍᓐᓇᕐᒪᖔᑕ; ᐱᐅᓯᕚᓪᓕᑎᓪᓗᒋᑦ ᖃᓄᐃᓘᕈᓐᓇᕐᓂᖏᑦ ᓄᓇᓖᑦ ᒪᑭᒪᔾᔪᑎᔅᓴᐅᒍᓐᓇᑐᒃᑯᑦ ᐃᒪᒃᑯᑦ ᐳᓚᕋᖅᑐᓕᕆᓂᕐᒥᑦ,

ᐱᕙᓪᓕᐊᑎᑦᑎᓂᕐᒥᑦ ᑕᒪᒃᑯᓂᖓ ᐱᔨᑦᑎᕋᐅᑎᓂᓪᓗ, ᑐᑭᓯᐅᒪᑦᑎᐊᕐᓗᑎᑦ ᐊᑐᓕᖁᔭᐅᔪᓂᑦ ᐃᒪᒃᑯᑦ ᐳᓚᕋᖅᑐᓕᕆᓂᕐᒥᑦ ᒪᓕᒐᖏᓐᓂᓪᓗ, ᑭᖑᓪᓕᖅᐹᒥᓗ, ᑕᑯᓐᓇᖅᑐᑦ ᐱᐅᓯᕚᓪᓕᑎᑦᑎᓇᓱᐊᕐᓗᑎᑦ ᑐᑭᓯᐅᒪᖃᑦᑕᐅᑎᓕᕆᓂᕐᒥᑦ ᑕᒪᒃᑯᓂᖓᓕᒫᖅ ᑎᒍᒥᐊᖅᑎᐅᖃᑕᐅᔪᓂᑦ.


ᓄᓇᖃᖅᑳᖅᑐᒥᓃᑦ ᐳᓚᕋᖅᑐᓕᕆᓂᕐᒧᑦ ᑲᑐᔾᔨᖃᑎᒌᑦ ᑲᓇᑕᒥ

National Guidelines for Indigenous Cultural Experiences
ᑖᒃᑯᐊ ᐊᑐᐊᒐᔅᓴᐃᑦ ᑐᕌᖓᔪᑦ ᓄᓇᖃᖅᑳᖅᑐᓄᑦ ᐳᓚᕋᖅᑐᕆᓂᕐᒥᑦ ᐱᖅᑯᓯᖏᑎᒍ ᐊᑐᕐᓗᑎᑦ ᑲᓇᑕᓕᒫᒥᑦ, ᑖᒪᒃᑯᐊ ᑲᓇᑕᒥ ᐊᑐᐊᒐᐃᑦ ᓴᓇᕐᕈᑎᑎᑦ ᐃᑲᔫᑎᐅᔪᓐᓇᖅᑐᑦ ᐱᕙᓪᓕᐊᓕᖅᑎᓪᓗᑎᑦ ᓴᖅᑮᑎᓪᓗᑎᓗ ᓂᐅᕐᕈᑎᖃᕐᓂᕐᒥᑦ ᐱᖅᑯᓯᕐᓂᑦ ᐊᑐᕐᓗᑎᑦ ᐳᓚᕋᖅᑐᓕᕆᓂᕐᒥᑦ. ᐊᑐᐊᒐᐃᑦ ᐃᓗᓕᖃᖅᑐᑦ ᑐᑭᒋᐊᕈᑎᓂᑦ, ᓇᓗᓇᐃᔭᖅᓯᒪᔪᓂᑦ ᖃᓄᕐᓗ ᐃᓕᖅᑯᓯᖃᑦᑎᐊᕈᓐᓇᓂᖅᐹᖑᒻᒪᖔᑕ ᓇᒻᒥᓂᖅ ᖃᐅᔨᓴᕈᓇᕐᓗᑎᑦ ᐱᕙᓪᓕᐊᓂᕐᒥᑦ, ᐊᑐᐃᓐᓇᐅᑎᑦᑎᓂᕐᒥᑦ ᐊᑭᖏᓐᓂᓪᓗ ᐋᖅᑭᔅᓱᐃᒍᓐᓇᕐᓗᑎᑦ ᓄᓇᖃᖅᑳᖅᑐᒥᕐᓂᕐᓂᑦ ᐃᓕᖅᑯᓯᖏᓐᓂ ᐳᓚᕋᖅᑐᓕᕆᓂᖃᕐᓗᓂ.