ᑮᓇᐅᔭᖃᖅᑎᑕᐅᓂᖅ ᐊᒻᒪ ᓇᒻᒥᓂᖃᒥᓂᕐᒧᑦ ᐃᑲᔪᖅᑕᐅᓂᖅ

ᑮᓇᐅᔭᐃᑦ ᐊᕝᕕᐊᕈᑎᐅᑦᑕᐃᓕᓕᑦ ᐃᓕᓐᓄᑦ ᑐᕌᒐᕆᔭᕐᓄᓪᓗ ᓇᒻᒥᓂᖁᑎᒋᔭᕐᓄᑦ! ᐊᒥᓱᓂᒃ ᑎᒥᐅᔪᓂᒃ ᒐᕙᒪᒃᑯᓂᓪᓗ ᐱᓕᕆᕕᑦᑕᓕᒃ ᓄᓇᕗᒻᒥ ᐊᑐᐃᓐᓇᐅᑎᑦᓯᔪᓂᒃ ᑮᓇᐅᔭᓂᒃ ᐊᑐᖅᑐᐊᕋᑦᓴᓂᓪᓗ ᐱᓕᕆᐊᓂᒃ ᓇᒻᒥᓂᖃᖅᑎᐅᔪᑦ ᐱᒋᐊᖅᑎᑕᐅᒍᓐᓇᖁᓪᓗᒋᑦ, ᐱᕈᖅᐸᓪᓕᐊᒍᓐᓇᖁᓪᓗᒋᑦ ᐊᖏᓪᓕᕙᓪᓕᐊᒍᓐᓇᖁᓪᓗᒋᓪᓗ. ᐊᒥᓱᑦ ᑲᑐᔾᔨᖃᑎᒌᑦ ᑎᑎᖅᓯᒪᔪᑦ ᑕᕝᕙᓂ ᐊᑐᐃᓐᓇᐅᑎᑦᓯᒍᓐᓇᖅᑐᑦ ᐊᑭᖃᙱᑦᑐᓂᒃ ᓇᒻᒥᓂᖃᖅᑎᐅᔪᓄᑦ ᐅᖃᐅᔾᔨᒋᐊᖅᑎᐅᓂᕐᒧᑦ ᐱᔨᑦᓯᕋᐅᑎᓂᒃ.

ᓄᓇᕗᑦ ᒐᕙᒪᒃᑯᖏᑦ

Small Business Support Program (ED&T)

ᑖᓐᓇ ᐱᓕᕆᐊᖅ ᐊᑐᐃᓐᓇᐅᑎᑦᓯᒍᑕᐅᔪᖅ ᒥᑭᔫᑎᓄᑦ ᓇᒻᒥᓂᕆᔭᐅᔪᓄᑦ, ᓄᓇᓕᓐᓂ ᑲᑐᔾᔨᖃᑎᒌᓄᑦ ᑭᒃᑯᑐᐃᓐᓇᕐᓄᓪᓗ ᐃᑲᔫᑎᓂᒃ ᐱᕈᖅᐸᓪᓕᐊᒍᓐᓇᖁᓪᓗᒋᑦ. ᐱᓕᕆᐊᑎᒍᑦ ᐱᔪᓐᓇᖃᑕᐅᔪᑦ ᐃᓱᓕᑦᑕᕐᕕᓖᑦ ᓄᓇᕗᒻᒥᐅᓄᑦ ᐊᒻᒪᓗ ᓇᒻᒥᓂᕆᔭᐅᔪᓄᑦ ᐊᖏᓂᖅᓴᒥᒃ ᓇᒻᒥᓂᕆᔭᐅᔪᓄᑦ ᓄᓇᕗᒻᒥᐅᓄᑦ.

Community Tourism & Cultural Industries Program (ED&T)

ᑖᓐᓇ ᐱᓕᕆᐊᖅ ᑐᙵᕕᓕᐅᕈᑕᐅᔪᖅ ᓄᓇᓕᓐᓂ ᒪᑭᒪᔾᔪᑎᑦᓴᓂᒃ ᐅᐸᓗᖓᐃᔭᕈᑎᓄᓪᓗ ᐳᓚᕋᑦᑐᓕᕆᓂᕐᒧᑦ. ᐊᐅᓚᖃᑦᑕᖅᑎᑦᓯᔩᑦ, ᐳᓚᕋᑦᑐᓕᕆᓂᕐᒧᑦ ᐅᐸᒐᐃᑦ, ᓇᒻᒥᓂᖃᖅᑎᐅᔪᑦ, ᓴᓇᙳᐊᖅᑏᑦ ᑲᑐᔾᔨᖃᑎᒌᖏᓐᓄᑦ, ᐊᖑᓇᓱᑦᑐᓕᕆᔨᒃᑯᑦ ᑲᑐᔾᔨᖃᑎᒌᖏᓐᓄᑦ, ᓴᓇᙳᐊᖅᑎᓄᑦ, ᑎᒥᙳᖅᓯᒪᔪᓄᑦ, ᓴᓇᙳᐊᕐᕕᓐᓄᑦ ᑕᑯᔭᒐᖃᕐᕕᓐᓄᑦ ᓴᓇᙳᐊᖅᑏᑦ ᑲᑐᔾᔨᖃᑎᒌᖏᓐᓄᑦ ᓄᓇᓕᓐᓂᓗ ᒐᕙᒪᖏᓐᓄᑦ ᑐᑦᓯᕋᕐᕕᐅᒍᓐᓇᖅᑐᖅ ᑮᓇᐅᔭᐃᑦ.


ᓄᓇᕗᑦ ᐳᓚᕋᖅᑐᓕᕆᔨᒃᑯᑦ

ᓂᐅᕐᕈᑎᖃᕐᓂᕐᒧᑦ ᐃᑲᔫᑎ ᐱᓕᕆᐊᖅ
ᐃᓚᒋᔭᐅᔪᑦ ᓄᓇᕗᑦ ᐳᓚᕋᖅᑐᓕᕆᔨᒃᑯᓐᓄᑦ ᑐᑦᓯᕋᕈᓐᓇᖅᑐᑦ ᓂᐅᕐᕈᑎᖃᕐᓂᕐᒧᑦ ᐃᑲᔫᑎᓂᒃ ᐱᓕᕆᐊᑎᒍᑦ ᐅᑎᖅᑎᑦᓯᕕᐅᒍᓐᓇᕐᓗᑎᒃ $1,000-ᓄᑦ ᑮᓇᐅᔭᓕᕆᓂᕐᒧᑦ ᐊᕐᕌᒎᑉ ᓄᙳᐊᓂ ᓂᐅᕐᕈᑎᖃᕋᓱᐊᕐᓂᕐᒧᑦ ᖃᓄᐃᓕᐅᕈᑎᒥᓂᖏᓐᓄᑦ ᓲᕐᓗ ᓴᖅᑭᔮᖅᑎᑦᓯᓂᕐᒧᑦ ᐅᖃᓕᒫᒐᕈᔪᓐᓂ, ᐅᖃᓕᒫᒐᕋᓛᓕᐅᕐᓂᕐᒧᑦ, ᐅᐸᖃᑕᐅᓂᕐᒧᑦ ᓇᒻᒥᓂᖃᖅᑎᐅᔪᑦ ᓴᖅᑭᔮᖅᑎᑦᓯᑎᓪᓗᒋᑦ ᐊᓯᖏᓐᓄᓪᓗ. Email us ᑐᑭᓯᒋᐊᒃᑲᓐᓂᕈᒪᒍᕕᑦ!


ᐊᕕᑦᑐᖅᓯᒪᔪᓂᑦ ᓄᓇᓕᓐᓂ ᓯᕗᓂᑦᑎᓐᓂ ᐸᕐᓇᑦᑏᑦ

ᐊᑐᓂᑦ ᐊᕕᑦᑐᖅᓯᒪᓂᐅᔪᑦ ᓄᓇᕗᒻᒥ ᓄᓇᓕᓐᓂ ᓯᕗᓂᑦᓴᓕᕆᓂᕐᒧᑦ ᑲᑐᔾᔨᖃᑎᒌᓖᑦ ᐊᑐᐃᓐᓇᐅᑎᑦᓯᕙᑦᑐᓂᒃ ᑮᓇᐅᔭᖅᑖᕐᕕᐅᒍᓐᓇᖅᑐᓂᓪᓗ ᒥᑭᔪᓄᑦ ᐊᖏᓗᐊᙱᑦᑐᓄᓪᓗ ᓄᓇᕗᒻᒥ ᓇᒻᒥᓂᖁᑎᒋᔭᐅᔪᓄᑦ, ᐊᒻᒪᓗ ᐊᑭᖃᙱᑦᑐᓂᒃ ᓇᒻᒥᓂᖃᓂᕐᒧᑦ ᐅᖃᐅᔾᔨᒋᐊᕈᓐᓇᖅᑐᑎᒃ>

ᕿᑭᖅᑖᓗᒻᒥ ᓇᒻᒥᓂᖃᖅᑎᓄᑦ ᐱᕙᓪᓕᐊᑎᑦᓯᓂᕐᒧᑦ ᑎᒥᐅᔪᑦ: www.baffinbdc.ca
ᑭᕙᓪᓕᖅ ᓇᒻᒥᓂᖃᖅᑎᓄᑦ ᐱᕙᓪᓕᐊᑎᑦᓯᓂᕐᒧᑦ ᐱᓕᕆᕕᒃ: kbdcgm@qiniq.com
ᕿᑎᕐᒥᐅᑦ ᓄᓇᓕᓐᓂ ᓯᕗᓂᑦᓴᓕᕆᔩᑦ: www.kcfi.ca


ᓄᓇᕗᑦ ᓇᒻᒥᓂᖃᖅᑎᓄᑦ ᐊᑐᖅᑐᐊᖅᑎᑦᓯᔨᒃᑯᑦ ᑎᒥᐅᔪᑦ (NBCC)

ᐃᑲᔪᕈᓐᓇᖅᑐᑦ ᑭᒃᑯᑐᐃᓐᓇᕐᓂᒃ ᖃᖓᑕᔫᓕᕆᔨᓄᑦ ᑐᔪᕐᒥᕕᓐᓂᓪᓗ ᓇᒻᒥᓂᖃᖅᑎᓄᑦ, ᐊᐅᓚᖃᑦᑕᖅᑎᑦᓯᔨᓄᑦ, ᓂᐅᕕᕐᕕᓐᓄᑦ, ᓴᓇᙳᐊᖅᑎᓄᑦ ᓂᕿᓕᐅᖅᑎᓄᓪᓗ, NBCC-ᑯᑦ ᐱᓕᕆᐊᖃᖅᑐᑦ ᓇᓗᓇᐃᖅᓯᓯᒪᒐᓱᐊᕐᓂᕐᒥᒃ ᓄᓇᕗᒻᒥ ᓇᒻᒥᓂᖁᑎᒋᔭᐅᔪᑦ ᑮᓇᐅᔭᖅᑖᕈᓐᓇᖁᓪᓗᒋᑦ ᐱᔭᕆᐊᖃᖅᑕᖏᓐᓂᒃ − ᐱᔭᕆᐊᖃᓕᕈᑎᒃ. NBCC-ᑯᑦ ᑮᓇᐅᔭᖃᖅᑎᑦᓯᒍᓐᓇᖅᑐᑦ ᑎᑭᐅᑎᓯᒪᒍᓐᓇᖅᑐᓂᒃ $1,000,000 ᑕᒪᒃᑮᓐᓄᑦ ᐃᓄᐃᑦ ᐊᓯᖏᓐᓄᓪᓗ ᐃᓄᓪᓚᑦᑖᙳᙱᑦᑐᓄᑦ ᓇᒻᒥᓂᖁᑎᒋᔭᐅᔪᓄᑦ ᓄᓇᕗᒻᒥ ᐃᓂᖃᖅᑐᓄᑦ.

ᑕᑯᒋᐊᕈᒃ NBCC-ᑯᑦ ᖃᕆᓴᐅᔭᒃᑯᑦ ᑐᑭᓯᒋᐊᕐᕕᖓ ᐅᕙᓂ www.nbcc.nu.ca ᑐᑭᓯᒋᐊᒃᑲᓐᓂᕈᒪᒍᕕᑦ.


ᓄᓇᕗᑦ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᑦ

ᓄᓇᕗᒻᒥ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᑦ, ᓇᒻᒥᓂᖃᖅᑎᐅᔪᓂᒃ ᑮᓇᐅᔭᖃᖅᑎᑦᓯᓂᕐᒧᑦ ᐱᓕᕆᐊᖓᒍᑦ, ᐃᑲᔪᖅᐸᑦᑐᑦ ᓄᓇᕗᒻᒦᑦᑐᓂᒃ ᐊᐅᓚᑕᐅᔪᓂᒃ, ᐃᓚᒋᔭᐅᓪᓗᑎᒃ ᐳᓚᕋᖅᑐᓕᕆᓂᕐᒧᑦ ᐊᐅᓚᑕᐅᔪᑦ, ᑮᓇᐅᔭᖃᖅᑎᑦᓯᒍᓐᓇᖅᑐᑦ ᐊᑭᑐᔫᑎᓄᑦ. ᐱᓗᐊᙳᐊᖅᑐᖅ ᒪᓕᑦᑕᐅᒋᐊᓕᒃ ᐊᑐᐃᓐᓇᖃᕈᒪᔪᓄᑦ ᐱᔪᓐᓇᖅᑎᑕᐅᔪᓄᑦ ᓴᙱᔪᒥᒃ ᑲᔪᓯᑦᓯᐊᕐᓂᖃᕐᓂᐊᖅᓱᕆᔭᐅᔪᑦ ᓂᐅᕐᕈᑎᖃᕐᓂᕐᒧᑦ, ᐃᖅᑲᓇᐃᔮᑦᓴᓂᒃ ᓴᖅᑭᕈᑕᐅᓂᐊᖅᑐᓄᑦ ᐅᕝᕙᓘᓐᓃᑦ ᑮᓇᐅᔾᔭᑦᓴᒍᑕᐅᒍᓐᓇᕐᓂᐊᖅᑐᓄᑦ, ᓇᓗᓇᐃᖅᓯᓯᒪᓗᑎᒃ ᑮᓇᐅᔭᖃᖅᑎᑕᐅᓂᖏᓐᓂᒃ ᐊᓯᖏᓐᓂᒃ, ᑭᖑᓂᐊᒍᓪᓗ ᓇᒻᒥᓂᖁᑎᖏᓐᓄᑦ ᑐᕌᖓᔪᓂᒃ, ᐊᐅᓚᑦᓯᔨᐅᖃᑕᐅᙱᑦᑐᓂᒃ ᐃᓚᐅᖃᑕᐅᕕᓕᓐᓄᑦ ᑲᒻᐸᓂᒋᔭᐅᔪᓄᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᑕᑯᒋᐊᕐᓗᒍ http://www.ndcorp.nu.ca


ᐃᓄᓐᓅᖓᔪᑦ ᑮᓇᐅᔭᓕᕆᓂᕐᒧᑦ ᑲᑐᔾᔨᖃᑎᒌᑦ

ᐅᑯᐊ ᑲᑐᔾᔨᖃᑎᒌᑦ ᐊᑐᐃᓐᓇᐅᑎᑦᓯᕙᑦᑐᑦ ᑮᓇᐅᔭᓂᒃ ᑐᓂᔭᑦᓴᓂᒃ ᐊᑐᖅᑐᐊᕋᑦᓴᓂᓪᓗ ᐃᓄᓐᓄᑦ ᓇᒻᒥᓂᖁᑎᒋᔭᐅᔪᓂᒃ ᓇᒻᒥᓂᕆᔭᐅᔪᓄᑦ ᓄᓇᕗᒻᒥ:

ᐊᑐᖅᑐᐊᕐᕕᑦ ᑯᐊᐳᕆᓴᓐ
ᐱᙳᖅᑎᑕᐅᓯᒪᔪᑦ ᓄᓇᕗᑦ ᑐᙵᕕᒃᑯᓐᓄᑦ, ᐊᑐᖅᑐᐊᕐᕕᒃ ᑯᐊᐳᕆᓴᓐ ᑮᓇᐅᔭᖃᖅᑎᑦᓯᔨᐅᓪᓗᑎᒃ ᑲᒻᐸᓂᐅᔪᑦ ᐊᑐᐃᓐᓇᐅᑎᑦᓯᕙᑦᑐᑦ ᐊᑐᖅᑐᐊᕋᑦᓴᓂᒃ ᑮᓇᐅᔭᖃᖅᑎᑦᓯᒍᑎᓂᓪᓗ ᐊᑯᓐᓂᖓᓃᑦᑐᓂᒃ $100,000-ᓂᒃ $3,000,000-ᓄᑦ ᐃᓄᓐᓄᑦ ᓇᒻᒥᓂᖁᑎᒋᔭᐅᔪᓄᑦ.

ᑕᑯᒋᐊᕈᒃ www.atuqtuarvik.com ᑐᑭᓯᒋᐊᒃᑲᓐᓂᕈᒪᒍᕕᑦ.

ᑲᑭᕙᒃ ᑲᑐᔾᔨᖃᑎᒌᑦ
ᑲᑭᕙᒃ ᑲᑐᔾᔨᖃᑎᒌᒃᑯᑦ ᓄᓇᓕᓐᓄᑦ ᐱᕙᓪᓕᐊᔪᓕᕆᓂᕐᒧᓪᓗ ᑲᑐᔾᔨᖃᑎᒌᑦ ᐊᑐᐃᓐᓇᐅᑎᑦᓯᕙᑦᑐᑦ ᑮᓇᐅᔭᓂᒃ ᑐᓂᔭᑦᓴᓂᒃ ᐊᑐᖅᑐᐊᕋᑦᓴᓂᓪᓗ ᐱᔪᓐᓇᖃᑕᐅᔪᓄᑦ ᐃᓄᐃᑦ ᓇᒻᒥᓂᖁᑎᖏᓐᓄᑦ ᐱᒋᐊᓚᐅᙱᓐᓂᖏᓐᓂ ᐅᐸᓗᖓᐃᔭᕈᑎᓄᑦ, ᐱᒋᐊᕈᑎᓄᑦ ᐊᖏᓪᓕᒋᐊᕈᑎᓄᓪᓗ ᖃᓄᐃᑦᑐᑐᐃᓐᓇᕐᓄᑦ ᓇᒻᒥᓂᖁᑎᒋᔭᐅᔪᓄᑦ.

ᑕᑯᒋᐊᕈᒃ www.kakivak.ca ᑐᑭᓯᒋᐊᒃᑲᓐᓂᕈᒪᒍᕕᑦ.

ᑭᕙᓪᓕᖅ ᑲᑐᔾᔨᔩᑦ ᐱᕙᓪᓕᐊᔪᓕᕆᓂᕐᒧᑦ
ᑭᕙᓪᓕᖅ ᑲᑐᔾᔨᔩᑦ ᐱᕙᓪᓕᐊᔪᓕᕆᓂᕐᒧᑦ ᐊᑐᐃᓐᓇᐅᑎᑦᓯᕙᑦᑐᑦ ᑮᓇᐅᔭᓂᒃ ᑐᓂᔭᑦᓴᓂᒃ ᐱᒋᐊᓚᐅᙱᓐᓂᖏᓐᓂ ᐅᐸᓗᖓᐃᔭᕈᑎᓄᑦ, ᐱᒋᐊᕈᑎᓄᑦ, ᐊᖏᓪᓕᒋᐊᕈᑎᓄᓪᓗ, ᓇᒻᒥᓂᖃᖅᑎᐅᔪᓪᓗ ᐃᑲᔫᑎᓂᒃ ᑎᑭᐅᑎᓯᒪᒍᓐᓇᖅᑐᓂᒃ $125,000.

ᖃᕆᓴᐅᔭᒃᑯᑦ ᑎᑎᕋᕐᕕᒋᓗᒋᑦ kpidbusiness@netkaster.ca ᑐᑭᓯᒋᐊᒃᑲᓐᓂᕈᒪᒍᕕᑦ.


ᓄᓇᖃᖅᑳᖅᑐᒥᓃᑦ ᐳᓚᕋᖅᑐᓕᕆᓂᕐᒧᑦ ᑲᑐᔾᔨᖃᑎᒌᑦ ᑲᓇᑕᒥ (ITAC)

ITAC Tourism Development Funding Support Program
ITAC ᐃᓇᑦᓯᕙᑦᑐᑦ ᓄᓇᖃᖅᑳᖅᑐᒥᓃᑦ ᐳᓚᕋᖅᑐᓕᕆᓂᕐᒧᑦ ᓇᒻᒥᓂᖃᖅᑎᐅᔪᓂᒃ ᑐᑦᓯᕋᖁᓪᓗᒋᑦ ᐃᑲᔪᖅᑕᐅᒍᒪᓗᑎᒃ ᑮᓇᐅᔭᖅᑎᒍᑦ ᐳᓚᕋᑦᑐᓕᕆᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑐᕌᒐᖃᖅᑐᑦ ᐱᐅᓯᕚᓪᓕᖁᔨᓂᕐᒧᑦ ᓂᐅᕐᕈᑎᐅᒍᓐᓇᖅᑐᓂᒃ ᐊᐅᓪᓚᖅᑎᑕᐅᒍᓐᓇᖅᑐᓂᓪᓗ ᐊᑐᐃᓐᓇᕈᖅᑎᑦᓯᓂᕐᒧᑦ. ᑖᓐᓇ ᐱᓕᕆᐊᖅ ᐱᔾᔪᑎᓕᒃ ᐃᑲᔫᑎᐅᓪᓗᓂ ᓄᓇᖃᖅᑳᖅᑐᒥᓃᑦ ᐳᓚᕋᖅᑐᓕᕆᓂᕐᒧᑦ ᓇᒻᒥᓂᖁᑎᖏᓐᓄᑦ ᓇᑭᑐᐃᓐᓇᖅ ᑲᓇᑕᒥ 13 ᖃᓪᓗᓈᓂ ᐅᑭᐅᖅᑕᖅᑐᒥᓗ ᐊᕕᑦᑐᖅᓯᒪᓂᖏᓐᓂᒃ. ᑮᓇᐅᔭᐃᑦ ᖃᑦᓯᐅᑎᒋᓂᖏᑦ ᐊᑕᐅᓯᕐᒧᑦ ᑐᑦᓯᕋᖅᑐᒧᑦ ᐃᓱᓕᑦᑕᕐᕕᓖᑦ $10,000.