ᓂᐅᕐᕈᑎᖃᓂᕐᒧᑦ ᐱᓕᕆᐊᑦ

ᓄᓇᕗᑦ ᐳᓚᕋᖅᑐᓕᕆᔨᒃᑯᑦ ᐊᔾᔨᒌᓐᖏᑦᑐᕈᓘᔭᕐᓂᑦ ᐱᓕᕆᐊᔅᓴᖃᖅᑐᑦ ᐃᑲᔫᑎᔪᓐᓇᖅᑐᓂᑦ ᓂᐅᕐᕈᑎᕐᓂᕐᒧᑦ ᐊᒪᓗ ᐃᑲᔫᑎᐅᔪᓂᑦ ᓂᐅᕐᕈᑎᖃᕐᓂᕐᒧᑦ ᐊᑭᑐᓗᐊᓐᖏᑦᑐᓂᑦ, ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ ᐃᑲᔫᑎᔅᓴᓂᑦ, ᐅᕗᖓ ᖃᐅᔨᒋᐊᕐᓗᑎᑦ ᐊᐅᓚᑦᑎᔨᖓᓐᓄᑦ ᓂᐅᕐᕈᑎᖃᕐᓂᕐᒧᑦ marketing@nunavuttourism.com ᐅᕗᖓᓗᓐᓃᑦ 1-866-687-8233.

ᓂᐅᕐᕈᑎᖃᕐᓂᕐᒧᑦ ᐃᑲᔫᑎᔅᓴᐃᑦ

ᓂᐅᕐᕈᑎᖃᖅᑐᓕᕆᓂᕐᒧᑦ ᐃᑲᔪᖅᑎᖓ ᐊᑐᐃᓐᓇᐅᑎᑦᑎᒻᒥᔪᑦ ᑮᓇᐅᔭᓂ ᐃᑲᔫᑎᔅᓴᓂᑦ ᑕᐃᒃᑯᓄᖓ ᓇᒻᒥᓂᖅ ᓂᐅᕐᕈᑎᖃᕋᓱᐊᕐᓂᕐᒧᑦ ᐱᒋᐊᕈᒪᔪᓂᑦ. ᐊᕐᕌᒍᑕᒫᑦ ᕖᕝᕗᐊᕆᒥ, ᐃᓚᒋᔭᐅᔾᔪᑎᓖᑦ ᑐᔅᓯᕋᕈᓐᓇᖅᑐᑦ ᐅᑎᖅᑎᑦᑎᕕᐅᔪᒪᓗᑎᑦ ᐊᕝᕙᓪᓗᐊᖏᓐᓂ ᐊᕐᕌᒍᒌᓚᐅᖅᑕᖅᑕ ᓂᐅᕐᕈᑎᖃᕋᓱᕐᓂᕐᒧᑦ ᐃᓱᖃᕐᓗᒋᑦ $1,000 ᑲᓇᑕᐅᑉ ᑮᓇᐅᔭᖏᓐᓂ ᐊᑐᓂ ᐊᕐᕌᒍᑕᒫᑦ.

ᐱᔪᓐᓇᕋᔭᖅᑐᑦ ᒪᑯᓄᖓ ᓴᖅᑭᔮᖅᑎᑦᑎᓂᕐᒧᑦ, ᖃᕋᓴᐅᔭᒃᑯᑦ ᐋᖅᑭᔅᓱᐃᓂᖅ ᑕᑯᔅᓴᐅᔪᓐᓇᓂᑦ, ᐃᖅᑲᓇᐃᔮᕐᓂᑦ ᓇᓗᓇᐃᒃᑯᑕᖏᓐᓂ, ᐅᖃᓕᒫᒐᕋᓛᓂᑦ, ᐊᑎᓕᐅᕈᑎᓂᑦ ᐃᓚᒋᔭᐅᔾᔪᑎᓕᓐᓂᑦ, ᐃᖅᑲᓇᐃᔮᓂᑦ ᓴᖅᑭᔮᖅᑎᑦᑎᓂᕐᒧᑦ ᐊᓯᖏᓐᓂᓪᓗ ᒥᓱᓄᑦ.

ᐅᖃᓕᒫᕐᓗᒋ ᐊᑖᓃᑦᑐᑦ ᑕᒪᒃᑯᓂᖓ ᖃᓄᕐᓗ ᑐᔅᓯᕋᕈᓐᓇᕐᒪᖔᑕ.

pdfMarketing Assistance Program Information – English

pdfMarketing Assistance Program Information – Inuktitut

pdfMarketing Assistance Program Application – English

pdfMarketing Assistance Program Application – Inuktitut


ᑯᐊᐸᒃᑯᓐᓂ ᓂᐅᕐᕈᑎᖃᕐᓂᕐᒧᑦ ᒪᓂᒪᔾᔪᑏᑦ

ᐱᒋᐊᕈᑎᑖᓛᖅᑐᑦ ᓄᑖᕐᓂᑦ 2017-2018−ᖏᓐᓂ.


ᐱᕙᓪᓕᐊᔪᑦ ᐊᐅᓚᑦᑎᓂᖏᓪᓗ ᐳᓚᕋᖅᑐᓕᕆᓂᕐᒥᑦ

ᐊᕐᕌᒍᑕᒫᑦ, ᓄᓇᕗᒻᒥ ᐳᓚᕋᖅᑐᓕᕆᔨᒃᑯᑦ ᐃᑲᔪᖅᓱᐃᕙᑦᑐᑦ ᓂᕈᐊᖅᑕᐅᓯᒪᔪᓂᒃ ᓂᐅᕐᕈᖃᑦᑕᓂᕐᒧᑦ ᑎᑎᕋᖅᑎᓂᒃ, ᐱᕙᓪᓕᐊᔪᓕᕆᔨᓂᒃ, ᐃᓅᖃᑎᒌᓄᑦ ᖃᕆᓴᐅᔭᒃᑰᕈᑎᒃᑯᑦ ᑎᑎᕋᖅᑎᓂᒃ ᐊᒻᒪᓗ/ᐅᕝᕙᓗ ᓈᓚᐅᑎᒃᑰᖅᑎᐅᔪᓂᒃ ᐊᑑᑎᖃᑦᓯᐊᖅᑐᓂᒃ ᐱᕙᓪᓕᐊᔪᑎᒍᑦ ᑐᓴᖅᑎᑦᓯᒍᑕᐅᖃᑦᑕᖁᓪᓗᒋᑦ ᐳᓚᕋᖅᑐᓕᕆᓂᕐᒧᑦ ᐊᑑᑎᐅᖃᑦᑕᖅᑐᓂᒃ ᓄᓇᕗᒻᒥ.

ᓄᓇᕗᒻᒥ ᐳᓚᕋᖅᑐᓕᕆᔨᒃᑯᓐᓄᑦ ᐃᓚᒋᔭᐅᔾᔪᑎᓖᑦ ᐃᓚᐅᖃᑕᐅᒍᓐᓇᖅᑐᑦ ᑕᒪᒃᑯᓄᖓ ᐳᓚᕋᖅᑐᓄᑦ ᑲᑐᔾᔨᖃᑎᖃᕐᓗᑎᒃ ᓄᓇᕗᒻᒥ ᐳᓚᕋᖅᑐᓕᕆᔨᒃᑯᓐᓂᒃ ᐊᑐᐃᓐᓇᐅᑎᑦᓯᓂᒃᑯᓪᓗ ᐱᔨᑦᓯᕋᐅᑎᖏᓐᓂᒃ ᐊᑭᑭᓪᓕᒋᐊᖅᓯᒪᓗᑎᒃ.

 

ᐃᓚᒋᔭᐅᔾᔪᑎᓖᑦ ᑲᔪᖏᖅᑐᖅᑕᐅᔪᑦ ᖃᐅᔨᒋᐊᖁᔭᐅᓪᓗᑎᒃ ᓄᓇᕗᒻᒥ ᐳᓚᕋᖅᑐᓕᕆᔨᒃᑯᓐᓄᑦ ᐃᓚᐅᖃᑕᐅᒍᒪᒍᑎᒃ ᓯᕗᓂᑦᓴᑎᓐᓂᒃ ᐱᕙᓪᓕᐊᔪᓕᕆᔨᓂᒃ ᐊᐅᓪᓚᖃᑕᐅᓂᕐᒧᑦ ᐋᖅᑭᑦᓱᖅᑕᐅᓯᒪᔪᓄᑦ ᓄᓇᕗᒻᒥ ᐳᓚᕋᖅᑐᓕᕆᔨᒃᑯᓐᓄᑦ, ᐅᕝᕙᓘᓐᓃᑦ ᐱᕙᓪᓕᐊᔪᓕᕆᔨᓂᒃ ᖃᐅᔨᒪᔭᖃᕇᕈᑎᒃ ᐃᓱᒪᒋᔭᖃᕈᑎᓪᓘᓐᓃᑦ ᐊᐅᓪᓚᖅᑎᑦᓯᖃᑕᐅᓂᕐᒧᑦ ᓇᒻᒥᓂᖅ ᓄᓇᕗᒻᒥ ᐳᓚᕋᖅᑐᓕᕆᔨᒃᑯᓐᓄᑦ ᐃᑲᔪᖅᑕᐅᒍᒪᒍᓐᓇᖅᑐᑦ.


ᑲᓇᑕᒥ ᓇᓗᓇᐃᖅᓯᓯᒪᔪᑦ ᐳᓚᕋᖅᑎᒻᒪᕆᓐᓄᑦ ᓄᐊᑕᐅᕙᑦᑐᑦ ᐅᓂᒃᑳᖏᑦ

ᑲᓇᑕᒥ ᓇᓗᓇᐃᖅᓯᓯᒪᔪᑦ ᐳᓚᕋᖅᑎᒻᒪᕆᓐᓄᑦ ᐋᖅᑭᑦᓱᖅᑕᐅᓯᒪᔪᑦ ᑕᑯᔭᒐᐃᑦ ᑕᐸᐃᕐᓇᖅᑐᓂᒃ ᐱᓪᓚᑦᑖᓂᓪᓗ ᑲᓇᑕᒥ ᓂᐅᕐᕈᖃᑦᑕᓂᕐᒧᑦ ᓴᖅᑭᔮᖅᑎᑕᐅᔪᑦ 11-ᓂ ᓄᓇᕐᔪᐊᒥ ᓂᐅᕐᕈᑎᖃᕐᕕᐅᒍᓐᓇᖅᑐᓂ ᑲᓇᑕᒥ ᓂᐅᕐᕈᕕᐅᖃᑦᑕᖁᔭᐅᔪᓄᑦ.

 

ᐱᓕᕆᐊᖅ ᐱᒋᐊᓚᐅᖅᓯᒪᒻᒪᓂᑦ, ᓄᐊᑕᐅᓯᒪᔪᑦ ᐊᒥᓱᕐᖑᖅᓯᒪᔪᑦ 200 ᐅᖓᑖᓃᑦᑐᓄᑦ ᐃᓚᒋᔭᐅᔾᔪᑎᓕᓐᓄᑦ. ᑲᓇᑕᒥ ᓂᐅᕐᕈᕕᐅᖃᑦᑕᖁᔭᐅᔪᓕᕆᔨᒃᑯᑦ ᑲᑐᔾᔨᖃᑎᖃᖅᐸᑦᑐᑦ ᐊᑕᖏᖅᑐᒋᑦ 13 ᑲᓇᑕᒥ ᖃᓪᓗᓈᓂ ᐅᑭᐅᖅᑕᖅᑐᒥᓗ ᓂᐅᕐᕈᑎᖃᕐᓂᕐᒧᑦ ᑲᑐᔾᔨᖃᑎᒌᖏᓐᓂᒃ ᐊᒥᓱᕐᖑᐸᓪᓕᐊᖁᓪᓗᒋᑦ ᓄᐊᑕᐅᓯᒪᔪᑦ. ᑲᓇᑕᒥ ᓇᓗᓇᐃᖅᑕᐅᓯᒪᔪᑦ ᐳᓚᕋᖅᑎᒻᒪᕆᓐᓄᑦ ᐱᓕᕆᐊᖅ ᓴᖅᑭᔮᖅᑎᑦᓯᒍᑕᐅᕙᑦᑐᖅ ᐃᓚᒋᔭᐅᔾᔪᑎᓖᑦ ᐊᐅᓪᓚᖃᑦᑕᓂᕐᒧᑦ ᐊᑑᑎᒋᓯᒪᔭᖏᓐᓂᒃ ᐊᑭᓕᖅᓱᐃᕙᑦᑐᓄᑦ, ᐱᕙᓪᓕᐊᔪᓕᕆᔨᓄᑦ ᐊᐅᓪᓚᖃᑦᑕᓂᕐᒧᓪᓗ ᑕᐅᖅᓰᖃᑦᑕᓂᕐᒧᑦ ᓄᓇᕐᔪᐊᒥ ᓂᐅᕐᕈᑎᖃᕐᕕᐅᒍᓐᓇᖅᑐᓂ ᓄᓇᕐᔪᐊᓕᒫᒥ.

 

ᑐᑭᓯᒋᐊᒃᑲᓐᓂᕈᒪᒍᕕᑦ ᐱᓕᕆᐊᑉ ᒥᑦᓵᓄᑦ ᐃᓚᒋᔭᐅᓪᓗᑎᒃ ᐃᓚᐅᖃᑕᐅᒍᓐᓇᓂᕐᒧᑦ ᐊᑐᐊᒐᖏᓐᓂᒃ, ᑐᑦᓯᕋᐅᑎᓕᐅᕈᓯᖏᓐᓂᒃ ᖃᓄᕐᓗ ᐃᓚᐅᖃᑕᐅᒍᓐᓇᕐᒪᖔᖅᐱᑦ, ᐅᖃᓕᒫᒃᑭᑦ ᑎᑎᕋᖅᓯᒪᔪᑦ ᐊᑖᓃ ᖃᐅᔨᒋᐊᕐᓗᑎᓪᓗ ᐱᒋᐊᕐᓂᐊᕋᕕᑦ!


ᐊᓯᖏᑦ

ᖄᒃᑲᓐᓂᖓᒍᑦ ᐱᓕᕆᐊᑦ ᓇᓗᓇᐃᔭᖅᑕᐅᓯᒪᔪᑦ ᖁᓛᓂ, ᓄᓇᕗᒻᒥ ᐳᓚᕋᖅᑐᓕᕆᔨᒃᑯᑦ ᐃᓇᑦᓯᕗᑦ ᐃᓚᒋᔭᐅᔾᔪᑎᓕᓐᓂᒃ ᐃᓚᐅᖃᑕᐅᖁᓪᓗᒋᑦ ᐅᑯᓄᖓ ᐱᕕᑦᓴᖅᑖᕐᕕᐅᒍᓐᓇᖅᑐᓂᒃ ᐱᕚᓪᓕᕈᑎᒋᓗᓂᐅᒃ ᓴᖅᑭᔮᕐᓂᖏᓐᓂᒃ ᐳᓚᕋᑎᐅᑐᐃᓐᓇᕆᐊᓕᓐᓄᑦ:

  • ᑐᓂᓯᓗᑎᑦ ᓄᓇᕗᒻᒥ ᐳᓚᕋᖅᑐᓕᕆᔨᒃᑯᓐᓄᑦ ᓂᐅᕐᕈᑎᖃᕐᓂᕐᒧᑦ ᓴᖅᑭᔮᕆᐊᕈᑎᑦᓴᓂᒃ ᓲᕐᓗ ᐅᖃᓕᒫᒐᕋᓛᓂᒃ, ᑐᓂᔭᒐᕐᓂᒃ ᑭᓇᐅᓂᕐᒥᓂᓪᓗ ᓇᓗᓇᐃᒃᑯᑕᓂᒃ, ᓄᓇᕗᒻᒥᓗ ᐳᓚᕋᖅᑐᓕᕆᔨᒃᑯᑦ ᑐᓂᐅᖅᑲᐃᒐᔭᖅᑐᑦ ᑕᒪᒃᑯᓂᖓ ᓇᒻᒥᓂᖃᖅᑎᐅᔪᑦ ᓴᖅᑭᔮᖅᑎᑦᓯᖃᑎᒌᑦᑎᓪᓗᒋᑦ ᖃᓄᐃᓕᐅᖅᑎᑕᐅᔪᖃᖅᑎᓪᓗᒍᓗ
  • ᓄᑖᓂᒃ ᓂᐅᕕᐊᑦᓴᖃᖅᑭᑦ, ᐊᔾᔨᐅᙱᑦᑐᒥᒃ ᓴᖅᑭᔮᖅᑎᑦᓯᒍᒪᕕᑦ, ᑕᑯᒥᓇᖅᑐᓂᒃ ᑕᕐᕆᔮᑦᓴᖃᖅᑭᑦ ᐅᕝᕙᓘᓐᓃᑦ ᑭᓱᑐᐃᓐᓇᕐᓂᒃ ᑕᑯᔭᐅᖁᔭᕐᓂᒃ? ᖃᐅᔨᒋᐊᕆᑦ ᓄᓇᕗᒻᒥ ᐳᓚᕋᖅᑐᓕᕆᔨᒃᑯᓐᓄᑦ ᓯᐊᕐᒪᖅᑎᒐᔭᖅᑕᕗᑦ ᑐᓴᖅᑕᐅᖁᔭᑎᑦ ᐃᓅᖃᑎᒌᓄᑦ ᖃᕆᓴᐅᔭᒃᑰᕈᑎᓄᑦ Facebook-ᑯᑎᒍᑦ Twitter-ᑯᑎᒍᓪᓗ.