ᒥᔅᓵᓄᑦ

ᓄᓇᕗᑦ ᐳᓚᕋᖅᑐᓕᕆᔨᒃᑯᑦ ᑮᓇᐅᔭᓕᐅᕋᓱᐊᖅᑎᐅᓐᖏᑦᑐᑦ ᑲᑐᔾᔨᖃᑎᒌᖑᓪᓗᑎᑦ ᐊᔭᐅᖅᑐᐃᓇᓱᐊᖅᑐᑦ ᐳᓚᕋᖅᑐᓕᕆᓂᕐᒥᑦ ᐱᕙᓪᓕᐊᑎᑦᑎᓂᒻᒥ ᖃᐅᔨᒪᑦᑎᐊᖅᑐᓂᑦ ᐱᓕᕆᔨᒻᒪᕆᓐᓂᑦ ᐃᒪᐃᑦᑐᓂᑦ ᐱᓕᕆᐊᓂᑦ: ᓂᐅᕐᕈᑎᖃᕐᓂᕐᒧᑦ, ᖃᐅᔨᓴᕐᓂᕐᒧᑦ ᑐᓴᐅᒪᖃᑦᑕᐅᑎᓕᕆᓂᕐᒥᓪᓗ, ᓂᐅᕈᑎᖃᕐᓂᕐᒥᑦ ᐊᑐᐃᓐᓇᐅᓕᕐᓂᖏᓐᓂ, ᐅᖃᐅᔾᔨᒋᐊᖅᑎᐅᔪᓐᓇᖅᑐᓂᓪᓗ. ᐃᑲᔪᖅᑐᐃᔪᓐᓇᖅᑐᒍᑦ ᓴᖅᑭᔮᖅᑎᑦᑎᑲᓐᓂᕐᓗᑕᓗ ᐃᓚᒋᔭᐅᔾᔪᑎᖃᖅᑐᓂᑦ ᓴᖅᑭᔮᖅᑎᑦᑎᓂᖏᓐᓂ ᐱᔨᑦᑎᕋᕐᓂᖏᓐᓂᓪᓗ ᑕᑯᔅᓴᐅᑎᑦᑎᓗᑕ ᓯᓚᕐᔪᐊᓕᒫᒧᑦ.

ᓄᓇᕗᑦ ᐳᓚᕋᖅᑐᓕᕆᔨᒃᑯᑦ ᐱᓕᕆᖃᑎᖃᕈᒪᕗᑦ ᒐᕙᒪᒃᑯᓐᓂ, ᐃᓄᐃᑦ ᑲᑐᔾᔨᖃᑎᒌᖏᓐᓂ, ᓄᓇᓕᓂᑦ, ᐳᓚᕋᖅᑐᓕᕆᕙᑦᑐᓂᓪᓗ ᒪᑭᒪᔾᔪᑎᔅᓴᐅᔪᓂᑦ ᓴᖅᑭᔮᖅᑎᑦᑎᕙᑦᑐᓂᑦ ᐱᕈᖅᐸᓪᓕᐊᒍᒪᔪᓄᑦ, ᐱᖅᑯᓯᕐᓂᑦ ᐱᐅᖅᓱᐊᕈᒪᔪᓄᑦ ᐃᓄᓕᕆᓂᕐᒥᓪᓗ ᐃᑲᔫᑎᐅᔪᓐᓇᖅᑐᓄᑦ ᓄᓇᕗᒻᒥᐅᑕᕐᓄᑦ.

ᑭᐅᔪᓐᓇᑦᑎᐊᖅᑐᒍᑦ ᐊᐱᖅᑯᓯᕐᓂᑦ ᐳᓚᕋᖅᑐᓕᕆᓂᐅᑉ ᒥᔅᓵᓄᑦ ᐱᓕᕆᖃᑎᒌᒍᓐᓇᓂᕐᒥᓪᓘᓐᓃᑦ. ᑐᑭᓯᒋᐊᒃᑲᓐᓂᕈᒪᒍᕕ, ᖃᕋᓴᐅᔭᒃᑯᑦ ᑎᑎᕋᕐᓗᑎᑦ ᐅᕗᖓ info@nunavuttourism.com.