Havaanut Ikayuutikhat

Nunavunmi Pulaarniqmut piqaqtuq taiguarvikhaq ikayuutikhanik ikayuriami ilauyut ayuiriamikni ilihimaninnganik ayuitaminiklu nakuuyumik pigiami pulaarniqmut havakvingani. Humaangittuq qinirhiagumik piliuriami nutaanik hunavaluknik ayuiryuumirumaguvilluuniit qanurittuq havagiami aullaaqtunut havaanut, ikayuutikput piyait amihunik uqaqtaminik ikayuriami nanminiriyat nakuuyumik pigiami.

Ilaliutiyavullu qaritauyakkut pulaarvingit ilanganut akhuurutauyut ikayuutikhat piliurhimayait havaqatigiiptiknit.

Nanminit, Naunaipkaiviit unalu Havaanut Upalungaiyarhimayuq Pinahuarut

Una ayuirhaidjut makpiraaq ilauyuq ayuirhariami pinahuarut ikayuriaqni nakuuyumik nunaryuaptikni pulaarniqmut havakvinganut. Humaangittuq nanminiriqaruvit 10nik avatqumayumik ukiunik pulaarniqmut ilihaidjutiqaqhutit, ihumaliuqhutilluuniit aullaqtirumayutit nutaamik pulaarniqmut nanminiriyakharnik, una ilihaidjut tuniyut nutaamik naunaitkutamik, ikayuutauyunik qaritauyakkut pulaarvinginnut akhuurutauyumiklu ayuirhaidjutikhanik ikayuriami pulaarniqmut nanminiriit nanminiriyamiknik pivallianiqmut apqutaanut.


Hunavaluknik Pivalliajjutikhalirinirmut Makpiraaq

Tamna Hunavaluknik Pivalliajjutikhalirinirmut Makpiraanga piliurhimayuq naunaipkariami ilauyut ukunuuna havaanganut ihumaliuriami pulaarniqmut hunavaluk ikayuutikhamut maniliurutikhamut, nungulaittumut piluni.

Ayuiriaqni:

  • Piliuriami, akikhaanik, naunaipkaidjutikhat niuvrutikhallu nutaanik hunavaluknik
  • Havaqatigilugit aadlat nunakni nanminiriit piliuriami pulaarniqmut pinahuarutinik taiguagakhanginniklu
  • Havaqatigiiklugit kaanatami nunaryuaptiknilu pulaaqtunut aulapkaiyiuyut pulaarvikhainnikjlu naunaiyaiyut (amigaittuq tuniqhaidjutikhamut)
  • Amihuniklu!

Nanminit Munarihuiqtaukpat Ikayuutaut

Aullaqtiriami nanminikharnik atauhiuyuq havaaq, kihimi naunairiami nanminiriyat maniliuqtuq nungulaittuqlu aadlauyut havaakhaq atauttimut.

Tamna Nanminit Munarihuiqtaukpat Ikayuutaut piliurhimayuq ikayuriami pulaarniqmut nanminiriit talvangaanit aullaqtiqmat piyuqlu hapkunanik uqaqtanginnik:

  • Pulaarniqmut Naunaipkainiq Nunavunmi Naunaipkainiq Nunavunmi
  • Laisikhat maligaliurutikhallu
  • Naunaipkainiqing Niuvrutauyullu
  • Ukiumi Nanminiqaqtut Ihivriuqniq
  • Nanminiqaqtunut Pivallianiq
  • Aulapkainiqmut Ihumaliurut
  • Maniliriniqmut Munariniq
  • Ikayuutikhat

Nanminiriyamiknik Munariyauhuiqpat Piksassuungit

Nanminiriyamiknik Munariyauhuiqpat piksassuungit piliurhimayuq ilaugiami aliagiyauqpiaqtumut Nanminit Munarihuiqtaukpat Ikayuutaut. Hapkuat tallimauyut piksassuut pipkaidjutiyaa iluani ittut titiraqhimayut naunaiyainiq, ilaliutiyait: Laisikhat Maligakhallu, Maniliqinirmut Piyut, Havaktuliriyiimut, Aulapkainiqmullu Ihumaliurut unalu Naunaipkainiqing.
Qun’ngiarlugu piksassuuliurhimayuq uumani YouTube channel!


Ikayurahuaqtaptiknik Ikayuutimut Makpiraaq

Ayuirlugu ayurnaittuq ikayurahuaptiknik ikayuutikhangit uuminnga ikayuutauyuq makpiraaq! Naunaiqlugu humik pulaaqtut piumayut ihariagiyullu aullaarutingit atuqtamiknik alianariami, piliuriamilu qanuriliurutimik ayuirhariaqni havaktitit aturiami hapkuat nakuuqpiaqtut atuqtakhanginnik.


Havaakhat Pulaarniqmi

Ilauyumavit pulaarniqmut, kihimi ilihimangittutit kitut ittut? Uumannga aullaaqtiqarlutit ikayuqtinganik maniqqami aulapkaigiaqni hiniktarvikhaq tupauttaqaqtumiklu, una makpiraaq tamaat titiraqhimayait. Ayuirlutit aadlatqiinik havakviit piliuqtait pulaarniqmut havakvinga naunaiqlugulu kitut havaat pulaarniqmi ihuatqianguyuq iliknut.

Unalu nakuuqpiaqtuq ikayuutikhaq nunallaat aliagigiamikni akhuuqulugillu inuit ilauliriamikni!


Iqalukhiuqtunut Munaqtiuyut Ihariagiyauyut

Atayumaviuk aliagiyarnik iqalukhiurniq havaamut Munaqtiulutit? Qun’ngiarukni 35-minitsinik ayuirhaut piksassuuvut, piniaqtutit ihuaqtumik ilihimaniq qanuqtut ayuittianguriaqni nakuuyumiklu pilutit iqalukhiuqtunut munaqtiugiaqni Nunavunmi.

Qiniqlugu hamani!


Aadlat Ikayuutauyut

Nunavut Kavamanga

Tourism Development Handbook
Una makpiraaq piliurhimayuq ikayuriaqni naunaiyariaqni, ihumaliuqlugu iliuraqlugulu pulaarniqmut havauhikhat. Naunaitkutanga tuniyauyuq pilluaqhimayuq hivulliqpaami uuktuqtunut nanminiqaqtut aulapkaiyut, ilihimangittut pivallianinnganik havaat Nunavunmi. Qangaraaluknitanut aulapkaiyiuyunut, tamna makpiraaq tuniniaqtuq ikayuutikhamik angikliyuumiutigiaqni aadlanguqtiriamiluuniit pulaarniqmut hunavalunginnik.

 

Nunavut Marine Tourism Management Plan
Ilauliruvit tariuqmi pulaarniqmut, una titiraq naunaiqtitaa Nunavut Kavamaup qanuqtut munarigiami nunavuutim tariuqmi pulaarniq ilanganik qinirhialuni pigiami hitamanik atayut tikinnahuarutinginnik; ihuarharhimayuq pittaarninnga nunallaanut piinarialaqigiami maniliurniqmut ikayuutikhanga tariuqmit pulaarniqmit, piliurninnga pipkaidjutiyuq hunavaluknik ikayuutikhaniklu, naunaipkarhimayuq iniqtirninnga tariup pulaarniqmut ihuaqtuq maligaq, kingulliqpaangalu, atuliqtitaupluni ihuarhaqhimayunik uqaqatigiikniq ukunanit tamaita tigumiaqtuuqatauyunit.


Nunaqaqqaarhimayut Pulaarniqmut Katimayiingit Kaanatamut

National Guidelines for Indigenous Cultural Experiences
Pinahuarutinga una maliktakhaq pipkaidjutigiami nakuuqpiaqtumik pigiami Nunaqaqqaarhimayut ilihainiqmut pulaarniq (ICT) atuqtangit tamainni Kaanatami. Hapkuat Kaanatami malirutingit ILVIT hunavaluk ikayuriaqni piliuriami tunigiamilu naunaipkaidjut atuliriami hivulliqpaanga ICT hunavaluk. Tamna maliktakhaq piqaqtuq ihariagiyauqpiaqtumik naunaitkutanik, piyakhanganik naunaitkutanik, nakuutqiamiklu atuqtakhangit unalu inmikmut naunaiyainiq ikayuriaqni piliuqlugu, tunilugu akikhanganiklu piliurlugu ihuaqtuq Nunaqaqqaarhimayut pulaarniqmut ilihimaniq.