Maniit ikayuutikhat unalu Nanminiriyarnut Ikayuutikhaq

Manik ayurhautipkaidjutiguiqlugu iliknut tikinnahuarutiknullu havakvikharnut! Amigaittut timiqutigiyauyut kavamatkullu nanminiriyat Nunavunmi tuniyut maniit ikayuutikhamik atukkirvikhaniklu havakvikhat aullaqtiriami, angikliyuumiriamilu. Amihut timiqutigiyauyut hamna ataani tunivaktullu akiitumik nanminiriyarnut uqaqatigiikhutik ikayuqtut.

Nunavut Kavamanga

Small Business Support Program (ED&T)
Una pinahuarut tunivaktuq mikkarmik nanminiriyat, nunallaani timiqutigiyangit inungnullu ikayuutikhalik angikliyuumiriami. Pinahuarutit piinarialik kikliqangittuq Nunavunmiutanut nanminiriyauyunullu amihut-nanminiriyauyut Nunavunmiutanit.

Community Tourism & Cultural Industries Program (ED&T)
Una pinahuarut hakugiktitaa nunallaat aulapkaijjutikhangit upalungaiyarniqmullu pulaarniqmut. Qablunaanik aullaaqtiqtut ikayuqtinga, pulaarvingit, nanminiit, hanaugaliurniqmut timiqutigiyangit, angunahuaqtut naniriaqtuqtunullu timiqutigiyangit, hanaugaliuyuktut mirhuyuktut, katimayiit, qun’ngiarvingit, hanuagaliuqtunut mirhuyuktunut katimayiingit unalu haamlangit uuktuinnarialgit uuminnga maniit ikayuutikhat.


Nunavut Pulaarniqmut

Niuvrutiniqmut Ikayuutikhaq Pinahuarut
Ilauyut uumunga Nunavut Pulaarniqmut uuktuinnarialik Niuvrutiniqmut Ikayuutikhaq Pinahuarutiptiknik manik utiqtiffaarluni iliknut $1,000 nungugaikpat maniliurniqmut ukiungani akikhanganut niuvrutiniqmut hulilukaarutikhanut ukunatitut naunaipkainiqmut makpiraanut, taiguagakhanik, ilaugiami havaanut tautuktipkainiqmut katimalirumik amihunik. Titiraqluga naunairyuumiriaqni!


Avikturhimayuni Nunallaat Hivunikhamut Katimayiingit

Tamarmik avikturhimayuni Nunavunmi piqaqtut Nunallaat Hivunikhamut Katimayiinginnit tuniyut atukkirumayunut ihuaqtunik maniliurutiniqmut mikkauyunut angivallaangittunullu aktikkulaalik Nunavunmi nanminiqaqtunik, unalu akiittumik nanminiqaqtunut uqaqatigiiklutik ikayuqtut.
Qikiqtaaluk Pivalliajjutikhalirinirmut Kuapuriisingatwww.baffinbdc.ca
Kivalliq Nanminiqaqtut Pivalliajjutikhalirinirmut Katimaviakbdcgm@qiniq.com
Kitikmeot Nunallaani Hivunikhamutwww.kcfi.ca


Nunavut Pivalliajjutikhalirinirmut Kuapuriisingat (NBCC)

Ikayuqtuq tamainnut tingmijutimut unalu hiniktarvikmut nanminiqaqtunut, qablunaanik aullaaqtipkaiyunut, naunaipkainiit, hanaugaliuyuktunut mirhuyuktunut unalu niqiliqiyunut, NBCC havaktuq naunariami Nunavunmi nanminiqaqtunut piinarialik manikhaq piumayanganik— ihariarilirumiuk. NBCC tunivaktuq manikhaq uumunnga $1,000,000 tamarmikmut Inuinnauyut Inuinnaungittunullu nanminiqaqtunut ittut Nunavunmi.
Pulaarlugu NBCC qaritauyakkut pulaarvinga uumani www.nbcc.nu.ca naunairyuumirumaguvit.


Nunavut Pivalliajjutikhalirinirmut Kuapuriisingat

Nunavut Pivalliajjutikhalirinirmut Kuapuriisingat, ukunuuna havauhikhamut maniliurutinirmut pinahuarut, ikayuqtuq Nunavunmi-ittut aulapkaininngit, ilaliutiyait pulaarniqmut aulapkaininngit, tunipluni maniliurutinirmut akituyunik. Akhuurutiyut naunaitkutat naunaiyariami ihuarninnga ilaliutiyuq hakugiktumik ihumagiyangit maniliurniqmut pittaarniqmut, havaakhaliurniq unaluuniit maniliurniqmut piniaruknaqhiuq, naunaiqtaa tuglianik-ikayuqtiuyuq ilauniq, unalu kingulliqpaaq ihuaqtumik-pihimayuq, munaringittumik piumayuq havaakhaq havakvikmi.

Naunairyuumirumaguvit, pulaarlugu http://www.ndcorp.nu.ca


Inuinnainnut-Ihuaqtuq Maniliqinirmut Timiqutigiyangit

Hapkuat timiqutigiyangit tuniyut aittuutikhanut atukkiutillu Inuinnaqnut nanminiriyait nanminiit Nunavunmi:

Atuqtuarvik Kuapuriisingat
Piliurhimayuq NTI-kunnit, Atuqtuarvik Kuapuriisingat ittuq maniliurutinirmut havakvinga tuniyuq atukkiutinik unalu manikhaniklu maniliurutinirmut ukunani $100,000 uumanilu $3,000,000 ukunanut Inuit-nanminiriyait nanminiriit.
Pulaarlugu www.atuqtuarvik.com Naunairyuumirumaguvit.

Kakivak Katimayiit
Kakivak Katimayiit nunallaani maniliurutimullu pivalliajjutikhalirinirmut timiqutigiyangit ikayuqtut Inuit Qikiqtaani. Kakivak tuniyut aittuutikhanut atukkiutiniklu pittaaqtunut Inuit nanminiriit aullaqtiliqtinnagu, aullaqtirumiuk angikliyuumigumagumiuk tamainni havakvini.
Pulaarlugu www.kakivak.ca Naunairyuumirumaguvit.

Kivalliq Havaqatigiingit Pivalliajjutikhalirinirmut
Kivalliq Havaqatigiingit Pivalliajjutikhalirinirmut tuniyut aittuutikhanut pittaaqtunut Kivalliq Inuit-nanminiriyait nanminiriit. KPID tuniyut aittuutikhanut aullaqtiliqtinnagu, aullaqtirumiuk angikliyuumigumagumiuk, nanminimullu ikayuutaut kiklinganik uuminnga $125,000.
Titiraqlugu qaritauyakkut kpidbusiness@netkaster.ca Naunairyuumirumaguvit.


Nunaqaqqaarhimayut Pulaarniqmut Katimayiit Kaanatami (ITAC)

ITAC Tourism Development Funding Support Program
ITAC uuktuquiyut Kaanatami Nunaqaqqaarhimayut pulaarniq nanminiriit uukturiami ikayuutikhamik maniit ikayuutikhat pulaarniqmut qanurittaakhaanik Pivalliajjutikhalirinirmut maniliurutinirmut piliurhimayuq ihuarhigiamikni naunaipkaiviit upalungaiyarhimayut ahinut agyariami qanurittaakhaanik. Una pinahuarut piliurhimayuq ikayuriami Nunaqaqqaarhimayut pulaarniq nanminiriit amihunit Kaanataup 13nguyut qablunaat nunagiyanganit avikturhimayunillu pittaarumi. Tamna maniit ikayuutikhat qaffi taalaa atauhiqmut uukturahuamut kiklinganik uuminnga $10,000.