Naunaiyainiqmut Pinahuarut

Nunavut Pulaarniq tuniyuq aadlatqiinik pinahuarutinik ikayuriami ilauyut naunaiyainiqmut akhuurutinga ikayuriamilu piliuriami naunaiyainiq akituvallaarnaittumik. Naunairyuumirumaguvit hapkuninnga pinahuarutinik, uqaqatigilugu Tukimuaqtiuyuq Naunaiyainiqmut uumani marketing@nunavuttourism.com uumungaluuniit 1-866-687-8233.

Naunaiyainiqmut Ikayuutikhaq Pinahurut

Tamna Naunaiyainiqmut Ikayuutikhaq Pinahuarut tuniyuq manikmik ikayuutikhamik ilauyunut piyait nanminiq naunaiyainiqmut hulilukaarutimik. Iidjirurvinguraangat, ilauyut uuktuinnarialik manik utiqtiffaariami nampanganik aippaanit ukiup naunaiyainirmut hulilukaarutingit kikliqarluni $1,000 CAD atauhiqmut ilauyumut atauhiqmik ukiumi.

Pittaaqtut maniit atuqtangit ilaliutiyuq naunaipkainiq naunaipkaiyut, qaritauyakkut pulaarvingit, havakviup atinginnik naunaikutat, taiguagakhat, atiliurniqmut akingit tautuktipkaiyumut havaanik amihunullu.

Taiguarlugu hamna ataani naunaiktutakhanik pinahuarutimut qanuqlu uukturiami.

pdfMarketing Assistance Program Information – English

pdfMarketing Assistance Program Information – Inuktitut

pdfMarketing Assistance Program Application – English

pdfMarketing Assistance Program Application – Inuktitut


Co-op Naunaiyarniqmut Pivikhaqautingit

Nutaat havauhikhat pinialiqtut uumani 2017-2018.


Tuhaqtipkaiyut Aulapkaiyiuyullu Naunaiyariamikni Pulaarniq

Ukiumi, Nunavut Pulaarniqmut ikayuqtuq tikkuarniq aullaarniqmut titiraqtiuyut, makpiraaliuqtut, inungnut tuhaqtipkaiyut qaritauyakkut titirarvinga unalu/unaluuniit tiiviimi naunaipkaiyut tuniyut akhuurutauyumik tuhaqtipkainiqmik takugiami uuminnga pulaarniqmut atuqtait Nunavunmi.
Nunavut Pulaarniqmut ilauyut pivikhaqautilgit ilaugiamikni uumunnga pulaarniqmut havaqatigiikhutik ukununnga Nunavut Pulaarniqmut tuniyuqlu ikayuutikhanginnik akituvallaarnaittumik akiqaqhutik.

Ilauyut akhuuquyauyut uqaqatigilutik Nunavut Pulaarniqmut ilaugumagumik hivuniqmi tuhaqtipkainiqmut aullaariamikni ihuarhaqhimayuq uumannga Nunavut Pulaarniqmut, piqarumikluuniit tuhaqtipkaiyiuyut ihumaliurutiliklu aullaarutikhamiknik taimaa Nunavut Tourism ikayuriamiknik.


Kaanatami Naunaitkutanga Atuqtauniq Katitirhimayut

Kaanatami Naunaitkutangit Atuqtauniq munaqtiuyuq katitiqniqmik arlirnaqtumik aadlaittumik Kaanatami aullaarniq aturiami atuliqtitauyut 11ni nunaryuaptikni naunaiyainiit Humunngauliqtut Kaanata.

Taimaa pinahuarutip aullaqtitaukmat, katitirninnga angikliyuq avatqumayumut 200 ilauyut. Humunngauliqtut Kaanata havaktut havaqatigiikhugit tamaita 13nguyut Kaanatami qablunaat nunagiyangani avikturhimayunilu naunaiyainiqmut timiqutigiyangit piliuriami pihimagiamilu katitirninngit. Tamna Kaanatami Naunaitkutanga Atuqtauniq pinahuarut atuliqtitait ilauyut aullaarnirmut atuqtakhangit ikayuqtamiknut, tuhaqtipkaiyunut aullaarnirmullu havakvingit nunaryuaptikni naunaiyaininnga tamainni nunaryuaptikni.

Naunairumaguvit uuminnga pinahuarutimik unalu pittaarninnganut, tamna uuktuutikhaq havaanga qanuqtullu ilauttaaqtutit, taiguqlugu titiqqat hamna ataani uqaqatigilutalu aullaqtiriaqni!


Aadlat

Pipluni pinahuarutimut naunaiqhimayuq hamna qaangani, Nunavut Pulaarniqmut qaitquiyut ilauyunut ilaugiamikni hapkuninnga pivikhaqautinik hivuniqmut ihuarhigiami ilauninnga uumannga pulaarniaqtunut:

  • Tuniluni Nunavut Pulaarniqmut naunaiyainiqmut hunavaluit taiguagakhatut, naunaipkaidjutinik havaktunullu atiliurhimayut naunaitkutat, unalu Nunavut Pulaarniqmut tuniniaqtait hapkuat havaanik qun’ngiaqtilirumik quviahuutiqalirumiklu
  • Piqaqqit nutaamik hunavalukmik, ilitariyauyuq atuliqtitauyakharnik, alianaqtumik piksassuumik hunamikluuniit aadlanut takupkarumayarnik? Uqaqatigilugu Nunavut Pulaarniqmut tuhaqtipkainiaqqugut inungnut tuhaqtipkaidjutinganik uumani Facebook uumanilu Twitter