Timiqutigiyauyunut Naunaitkutat Maliktakhangillu

Nunavut Pulaarniq munariyauyuq niruaqtumit, ikayuqtumit Katimayiingit Tukimuaqtiuyunut. Unalu, tallimauyut ex-officio-nik havaat tutqurhimayut Pivalliayuliqiyikkut Ingilrayuliqiyitkullu, Avikturhimayuni Pulaarviit, Pulaarviit Kaanata, Nunavut Tunngavitkut, unalu Kaanatamiutat Ukiuqtaqtumi Maniliqiniqmut Pivallianiq Timiqutigiyauyuq (CanNor). Qiqaiyarviani 2012, ED&T ihumaliuqtuq piqalimaittuq tamaat havaktukhamik Atan’nguyap Tugliata NGO Katimayiinginni, katimainnaqluni hitamanik ukiumi.

Tukimuaqtiuyut niruaqtauyut havaarigiami hapkununnga pulaarniqmut havaanganit: Angunahuarniqmut, Iqalukhiurniqmut, Ingilvaviuyunut, Aullaarniqmut Avatingani pulaarniqmut, Hiniktarvikhangit Aullaarniqlu, pingahuniklu havaangungittunut havaakhat. Malruuknik ukiunik ilauyukhaq niruaqtauyut himmautigiyauyumik piplutik hitamanik havaat atauhiqmi ukiumi tallimallu aippaanganut pihimagiami Katimayiinginnut pigiamikni. Hivuliqtingit Katimayiuyumut niruaqtauyut atauhiqmi ukiumi piplutik katimatillugit katimahuiraangata uumani Ukiumi Katimaryuarniq. Tamna hivuliqtinga piqaqtuq pingahunik havaanik– Ikhivautalik, Ikhivautalik Tuglia unalu Maniliqiyii.

Naunaiqlugu ukiakhami 2012, Nunavut Pulaarniq iniqtiqtuq tamaat qaritauyakkut niruarutikhamik Katimayiinginnut. Una tuniyait tamaita ilauyut pivikhaqautikhamik niruriamikni Katimayiikhanganik taimaa ilauttaarumik Katimayuaqtillugit katimangitkumikluuniit.

Qaritauyakkut Iliurainiq

Maligangit

Qaritauyakkut iliurainiq nutaatqiaq Nunavut Pulaarniqmut Maliganganik Qablunaatitut Inuktitulluuniit:

pdfNunavut Tourism Bylaws – English Nutaangurhimayuq Tattiarnaqviani 2016
pdfNunavut Tourism Bylaws – Inuktitut Nutaangurhimayuq Tattiarnaqviani 2016

Titiraqhimayut Pigiaqtittinirmut – 2012/13

Hamna titiraqhimayut pigiaqtittinirmut angiqtauyut Katimayiit katimatillugit uumani 2012/13 maniliurniqmut ukiungani. Una tuniniaqtaatit ihumaliurutimik ilanganik hulilukaarutit Katimayiingit uqaqtait katimatillugit.

pdfRegister of Motions 2012-13 – English

Naunaitkutinga Ihumaliurhimayunik Ihumaliurutit, 2012-17

Qiqaiyarviani 2012, munariyauplutik hilataanit ihuarhainiqmit tuniyauyuq uumannga Pivalliayuliqiyikkut Ingilrayuliqiyitkullu, Nunavut Pulaarniq piliuqtuq ihumaliurhimayunik ihumaliurutimik uumunnga 2012-17.

pdfNunavut Tourism Strategic Plan 2012-17